GƏNCƏDƏ REGİONAL İNFORMASİYA MƏRKƏZİ FƏALİYYƏTƏ BAŞLAMIŞDIR
Azərbaycan hökuməti və BMT-nin İnkişaf Proqramına uyğun olaraq, ölkəmizdə informasiya-kommunikasiya texnologiyaları üzrə milli strategiyanın hazırlanması və ilkin mərhələdə həyata keçirilməsi layihəsi çərçivəsində Gəncədə regional informasiya mərkəzi yaradılmışdır.
AZƏRTAC-ın müxbiri xəbər verir ki, Bakıda xüsusi kurslar keçmiş 4 nəfər ali təhsilli mütəxəssis burada regionun sakinlərinə kompüterdə işləmək vərdişlərini öyrətməklə yanaşı, onlara informasiya texnologiyaları sahəsində xidmətlər də göstərəcəkdir. Bundan başqa, marağı olanlara mərkəzdə fəaliyyət göstərəcək kurslarda müxtəlif xarici dillər də öyrədiləcəkdir.
Bölmənin digər xəbərləri
