Gəncədə torpaqların təmizlənməsi layihəsinin icrasına başlanılmışdır
Gəncə, 16 oktyabr (AZƏRTAC). Gəncədə texnogen və digər elementlərlə çirklənmiş torpaqların bitkilərlə təmizlənməsi məqsədilə yeni layihənin icrasına başlanılmışdır.
Layihənin rəhbəri, “EkoRenossans” ictimai birliyinin sədri İrşad Abbasov AZƏRTAC-a demişdir ki, layihəyə uyğun olaraq, Gəncədə daha çox tullantılara məruz qalan gil-torpaq istehsalat birliyinin ərazisində təcrübə aparılmışdır. Ayrılmış sahədə çirkli elementləri daha çox və səmərəli şəkildə özünə çəkən qarğıdalı və günəbaxan əkilmişdir. Eksperiment müsbət nəticələnmiş, ərazi cirkli tullantılardan qismən təmizlənmişdir.
Hazırda bu təcrübənin digər sahələrdə də aparılması üçün hazırlıq işlərinə başlanılmışdır.
Bölmənin digər xəbərləri
