AZƏRTAC-ın müxbiri xəbər verir ki, Kənd Təsərrüfatı Nazirliyi “Elit” Elm–İstehsalat Birliyinin Tərtər bölgə təcrübə stansiyasında taxıl yığımının yekunlarına həsr olunmuş yığıncaqda görkəmli seleksiyaçı alim, AMEA-nın akademiki, Respublika Elmi Tədqiqat Əkinçilik İnstitutunun laboratoriya rəhbəri, Milli Məclisin deputatı Cəlal Əliyevin böyük xidmətlərindən söhbət açılmışdır. Qeyd olunmuşdur ki, görkəmli alimin yaratdığı “Əzəmətli” sortundan hər hektardan 52 sentner məhsul götürülmüşdür. Bu il stansiyada 520 tondan çox toxumluq taxıl istehsal olunmuşdur. Dunya şöhrətli seleksiyaçı alimin rəhbərliyi ilə yaradılmış “Bərəkətli”, “Əlincə-84”, “Şiraslan-23”, “Qaraqılçıq-2” buğda sortlarından da yüksək nəticələr əldə edilmişdir.
Akademik Cəlal Əliyev hər il bölgə təcrübə stansiyasında olur, müxtəlif buğda və arpa sortlarının yetişdirilməsində elmi işcilərə dəyərli məsləhətlər verir.
Bölgə təcrübə stansiyasının direktoru Faiq Məmmədov və digər natiqlər akademik Cəlal Əliyevin rəhbərliyi ilə burada aparılan elmi tədqiqatlardan bəhs etmişlər.
Onlar, həmçinin akademik Cəlal Əliyevin elmi və ictimai fəaliyyətindən, respublikamızda yüksək ixtisaslı kadrların yetişməsində, taxılçılıq sahəsində gördüyü irimiqyaslı işlərdən söhbət açmışlar.
