İDMAN
“Grand Chess Tour 2019”: Şəhriyar Məmmədyarov Aniş Giri ilə qarşılaşır
![“Grand Chess Tour 2019”: Şəhriyar Məmmədyarov Aniş Giri ilə qarşılaşır](/files/2019/2/1200x630/15622456203745456546_1200x630.jpg)
Bakı, 4 iyul, AZƏRTAC
Xorvatiyanın paytaxtı Zaqrebdə azərbaycanlı qrossmeyster Şəhriyar Məmmədyarovun da iştirak etdiyi “Grand Chess Tour 2019” seriyasının ikinci mərhələsi çərçivəsində iyulun 4-də səkkizinci turun qarşılaşmaları keçirilir.
AZƏRTAC xəbər verir ki, yeddinci turda fransalı Maksim Vaşe-Laqravla heç-heçə edən şahmatçımız növbəti turda Hollandiya təmsilçisi Aniş Giri ilə mübarizə aparır. Turun digər oyunlarında norveçli dünya çempionu Maqnus Karlsen çinli Dinq Liren, amerikalı Hikaru Nakamura həmyerlisi Uesli So, fransalı Maksim Vaşe-Laqrav rusiyalı Sergey Karyakin, ermənistanlı Levon Aronyan rusiyalı Yan Nepomnyaşi ilə üz-üzə gəliblər.
Yeddi turun yekununa görə Şəhriyar Məmmədyarovun 2,5 xalı var. Xal ehtiyatını 5-ə çatdıran M.Karlsen liderliyi ələ keçirib. U.So 4,5, D.Liren, L.Aronyan, F.Karuana, Y.Nepomnyaşi 4, V.Anand, M.Vaşe-Laqrav, S.Karyakin 3, A.Giri, H.Nakamura isə 2 xal toplayıblar.