Güləş üzrə Azərbaycan çempionatının tarixi müəyyənləşib
Bakı, 25 dekabr, AZƏRTAC
Güləş üzrə böyüklər arasında Azərbaycan çempionatının vaxtı müəyyənləşib.
Azərbaycan Güləş Federasiyasından AZƏRTAC-a bildirilib ki, yanvarın 7-11-də Bakı İdman Sarayında yunan-Roma və sərbəst güləş üzrə ölkə çempionlarının adları bəlli olacaq.
İlk “3-lük”də yer alan güləşçilər milli komandaların tərkibinə daxil ediləcək. Görüşləri yerli hakimlərlə yanaşı, ölkə xaricindən dəvət edilmiş I-S kateqoriyalı təcrübəli referilər də idarə edəcəklər.
İlkin mərhələ qarşılaşmaları saat 10:00-da, həlledici görüşlər 18:00-da start götürəcək. Çempionatın açılış mərasimi isə yanvarın 7-də olacaq.
Bölmənin digər xəbərləri
