GÜLƏŞ ÜZRƏ ÖLKƏ ÇEMPİONATI KEÇİRİLƏCƏKDİR
Ölkəmizin müxtəlif regionlarından ümumilikdə 250-yə yaxın pəhləvanın 8 çəki dərəcəsində mübarizə aparacağı yarışları milli yığma komandaların baş məşqçiləri Aslan Ağayev (sərbəst güləş) və Elçin Cəfərov (yunan-Roma güləşi) idarə edəcəklər. Məqsəd ən güclüləri obyektiv şəkildə aşkarlamaq və gələcəkdə milli yığma komandaların heyətinə cəlb edərək, beynəlxalq idman tədbirlərinə hazırlamaqdır.
Yarışda tanınmış pəhləvanlarımız - sərbəst güləş üzrə dünya kubokunun sahibi, Olimpiya çempionu Namiq Abdullayev (55 kq), dünya kubokunun sahibi Elşad Allahverdiyev (74 kq) və Avropa çempionatının gümüş mükafatçısı Elman Əsgərov (66 kq), yunan-Roma güləşi üzrə olimpiya çempionu Fərid Mansurov (66 kq), Avropa çempionu Vitali Rəhimov (60 kq) da iştirak edəcəklər.
Bölmənin digər xəbərləri
