Gürcü ekspert: Türkiyə Prezidentinin Şuşaya səfəri regionda yaranmış yeni reallıqların göstəricisidir
Tbilisi, 18 iyun, AZƏRTAC
Rəcəb Tayyib Ərdoğanın azərbaycanlılar üçün önəmli şəhər olan Şuşaya səfəri xarici ölkənin dövlət başçısı kimi, Türkiyə Prezidentinin Qarabağa ilk səfəri kimi tarixə düşüb.
AZƏRTAC xəbər verir ki, bunu Gürcüstanın Strateji və Beynəlxalq Araşdırmalar Fondunun eksperti, professor Zurab Batiaşvili deyib.
Politoloq bildirib ki, Türkiyə Şuşada konsulluq açmaqla Azərbaycanın ərazi bütövlüyünü qeyd-şərtsiz dəstəyini bir daha təsdiqləmiş olacaq.
“Ərdoğanın Şuşa səfəri regionda İkinci Qarabağ müharibəsindən sonra yaranmış reallıqların göstəricisidir. Ankara müharibə zamanı olduğu kimi, bu gün də əsas müttəfiqi olan Azərbaycanı dəstəkləməkdə davam edir”, - deyə Zurab Batiaşvili vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
