“Gürcü nəsri antologiyası” ilk dəfə Azərbaycan dilində
Bakı, 21 iyun, AZƏRTAC
Azərbaycan Tərcümə Mərkəzinin yeni nəşri - “Gürcü nəsri antologiyası” kitabı işıq üzü görüb.
Mərkəzdən AZƏRTAC-a bildirilib ki, müasir gürcü ədəbiyyatının ümumi mənzərəsini ilk dəfə külli halında Azərbaycan oxucusuna təqdim edən kitabda Mixeil Cavaxişvili, Cabua Amirecibi, Tamaz Çiladze, Revaz İnanişvili, Nuqzar Şataidze, Maka Coxadze, Şota İataşvili, İrakli Cavaxadze, Marina Soskolauri kimi otuzdan çox tanınmış gürcü ədibinin əsərləri toplanıb.
Əsərləri gürcü dilindən Azərbaycanın tanınmış yazıçıları Nəriman Əbdülrəhmanlı və Etimad Başkeçid çevirib.
Bölmənin digər xəbərləri
