“Şahdağ” ES-də 5 milyard kilovat-saata yaxın elektrik enerjisi istehsal edilib
Bakı, 18 sentyabr, AZƏRTAC
“Şahdağ” modul tipli Elektrik Stansiyasında (ES) istismara verildiyi tarixdən bu il sentyabrın 1-dək ümumilikdə 4 milyard 816,5 milyon kilovat-saat elektrik enerjisi istehsal edilib.
Energetika Nazirliyindən AZƏRTAC-a bildirilib ki, ümumi qoyuluş gücü 104,4 meqavat olan stansiyada hər birinin gücü 8,7 meqavat olan 12 ədəd qaz-porşen aqreqatı quraşdırılıb.
Xatırladaq ki, Quba rayonunun Xucbala kəndi ərazisində yerləşən “Şahdağ” modul tipli Elektrik Stansiyası 2009-cu il sentyabrın 18-də istismara verilib.
Bölmənin digər xəbərləri
