Gürcüstan millisi dünya çempionatının seçmə mərhələsində ikinci oyununu keçirib
Tbilisi, 28 mart, AZƏRTAC
2022-ci ildə Qətərdə təşkil ediləcək futbol üzrə dünya çempionatının seçmə mərhələsi çərçivəsində bu gün Tbilisidə Gürcüstan və İspaniya milli komandaları qarşılaşıblar.
AZƏRTAC xəbər verir ki, Boris Bayçadze adına "Dinamo Arena"da keçirilən qarşılamanı 30 minə yaxın tamaşaçı izləyir.
Oyun İspaniya yığmasının 2:1 hesablı qələbəsi ilə başa çatıb.
Qeyd edək ki, B qrupunda mübarizə aparan Gürcüstan millisi ilk oyununu İsveç komandasına qarşı keçirib və 0:1 hesabı ilə məğlub olub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
