Gürcüstan parlamenti müxalif partiyanın deputatlarının mandatlarını ləğv edib

02.07.2025 [15:31]
Çap et
A⁺ A^-

Tbilisi, 2 iyul, AZƏRTAC

İyulun 2-də Gürcüstan parlamentinin növbədənkənar sessiyasında Qaxariyanın "Gürcüstan naminə” partiyasının deputatlarının mandatlarına xitam verilib.

AZƏRTAC xəbər verir ki, üzrlü səbəb olmadan iclaslara gəlmədiklərinə görə partiyanın deputatları Giorgi Qaxariya, Teona Akubardia, Anna Buçukuri, Levan Qoqiçaişvili, Zaza Tavadze, Beka Liluaşvili, Natia Mezvrişvili, Berdiya Siçinava, Kaxa Kemoklimitli, T.Kemoklimitli və Zviad Dzidziqurinin mandatları ləğv edilib.

Hazırda 150 deputatdan ibarət 11-ci çağırış parlament 89 deputatla təmsil olunur. Ümumilikdə 11-ci çağırış parlamentdə 61 deputatın mandatına xitam verilib.

Qeyd edək ki, digər müxalifət partiyalarından fərqli olaraq, Giorgi Qaxariyanın siyasi birliyi seçki siyahısını geri götürməyib. Bu o deməkdir ki, parlamentin gündəliyinə seçki siyahısında növbəti 12 nəfərin səlahiyyətlərinin tanınması məsələsi daxil ediləcək.

Bundan başqa, “Gürcüstan naminə” partiyası qarşıdakı 6 ay ərzində büdcədən maliyyə vəsaiti almayacaq.

Xətayi Əzizov

AZƏRTAC-ın xüsusi müxbiri

Tbilisi