Gürcüstan tərəfi parlament nümayəndə heyətinin AŞPA-ya qayıtması üçün şərtlərini açıqlayıb
Tbilisi, 20 fevral, AZƏRTAC
Gürcüstan Parlamentinin Xarici Əlaqələr Komitəsinin sədri və ATƏT Parlament Assambleyasındakı daimi nümayəndə heyətinin rəhbəri Nikoloz Samxaradze Avstriyada Avropa Şurası Parlament Assambleyasının (AŞPA) yeni seçilmiş prezidenti Petra Bayer ilə görüşüb.
Gürcüstan Parlamentinin mətbuat xidmətindən AZƏRTAC-a bildirilib ki, görüşdə ikitərəfli əməkdaşlıq məsələləri, o cümlədən Gürcüstan nümayəndə heyətinin AŞPA-ya qayıtması müzakirə olunub.
N.Samxaradze qeyd edib ki, Gürcüstan tərəfi Assambleyaya öz nümayəndə heyətini təqdim etməyə hazırdır, lakin bu, yalnız nümayəndə heyətinin mandatları heç bir ilkin şərt olmadan tanındığı təqdirdə mümkündür. O bildirib ki, Gürcüstan nümayəndə heyətinin səlahiyyətlərini tanımaq üçün heç bir təşkilatın ədalətsiz şərtlər tətbiq etməsinə razı ola bilməz.
Görüşdə, həmçinin ölkənin daxili siyasi vəziyyəti, seçkilərlə bağlı məsələlər və davam edən qanunvericilik prosesi müzakirə olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
