GÜRCÜSTAN VƏRƏM XƏSTƏLİYİNİN YAYILMASI BAXIMINDAN MÜRƏKKƏB BÖLGƏ SAYILIR
Gürcüstan vərəm xəstəliyi milli Mərkəzinin icraçı direktoru Arçil Salaqaya demişdir: “Dünya Səhiyyə Təşkilatı dünyada vərəm xəstəliyi üzərində nəzarət qoymaq məqsədi ilə strategiya müəyyən etmişdir. Belə ki, 2005-ci ildə vərəm xəstəliyi hallarının aşkara çıxarılması 70 faizə çatdırılmalı, müalicə göstəricisi isə 85 faizi təşkil etməlidir. Lakin Gürcüstanda müxtəlif səbəblərə görə hələlik buna nail olmaq mümkün deyildir. Çünki ölkədə bu xəstəliyə tutulanların aşkara çıxarılması hələ də problem olaraq qalır. Əhali, adətən, belə xəstəliyi milli-psixoloji səbəblər üzündən açıqlamaqdan çəkinir. Hazırda Gürcüstanda vərəm xəstəliyinin, cərrahiyyə əməliyyatından başqa, digər müalicə tədbirləri pulsuzdur. Bundan əlavə, dövlət pasiyentləri dərmanla təchiz edir. Müalicə aparılmadığı təqdirdə xəstələrdən 50 faizi iki il ərzində həlak olur, 25 faizi xroniki xəstəliyə tutulur, 25 faizi isə fasilələrlə müalicə edilir. Vərəmə tutulmuş bir nəfər 20 nəfəri bu xəstəliyə yoluxdura bilir”.
Bölmənin digər xəbərləri
