Gürcüstan yaxın günlərdə bir milyon dozadan çox vaksin alacaq
Tbilisi, 25 iyun, AZƏRTAC
“Yaxın günlərdə Gürcüstan bir milyon dozadan çox vaksin alacaq”.
AZƏRTAC xəbər verir ki, bu barədə Gürcüstanın Baş naziri İrakli Qaribaşvili parlamentdəki çıxışı zamanı söyləyib.
Onun sözlərinə görə, aparılan danışıqlar uğurla başa çatıb və Gürcüstan bu günlərdə bir milyon doza “Pfizer” vaksini alacaq.
Eyni zamanda, bir milyon doza həcmində “Sinofarm”, “Sinovac”, eləcə də 700 min doza “Novovax” vaksini alınacaq.
Ümumilikdə isə ilin sonunadək Gürcüstan 4 milyon doza vaksin tədarük edəcək və əhalinin 60 faizi peyvənd olunacaq”, - deyə Qaribaşvili vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
