Gürcüstanda məhkumların görüş və əmanət qəbul etmə hüquqları məhdudlaşdırılıb
Tbilisi, 30 noyabr, AZƏRTAC
Gürcüstan hökuməti təqsirləndirilən və məhkəmənin hökmü ilə azadlıqdan məhrum olunan şəxslərlə bağlı yeni qərar qəbul edib. Qərara əsasən, bu qəbildən olan şəxslər dekabrın 28-dək qısamüddətli görüşdən istifadə və sovqat qəbul edə bilməyəcəklər.
AZƏRTAC xəbər verir ki, bu barədə Gürcüstan Penitensiar Xidməti məlumat yayıb.
Bildirilir ki, bu, Gürcüstan hökumətinin ölkədə epidemioloji vəziyyətlə əlaqədar qəbul etdiyi qərarlarla uyğundur və cəzaçəkmə müəssisələrində koronavirusun yayılmasının qarşısını almaq məqsədi daşıyır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
