Gürcüstandakı azərbaycanlı iş adamları fəaliyyətlərini davam etdirirlər
Tbilisi, 15 mart, AZƏRTAC
Gürcüstanda fəaliyyət göstərən Azərbaycan biznes strukturları və iş adamları normal, Gürcüstan qanunvericiliyi çərçivəsində çalışırlar. Onların fəaliyyətində heç bir problem yoxdur.
Bu sözləri AZƏRTAC-a açıqlamasında Azərbaycanlı İş Adamları Birliyinin (AZEBİ) sədri Nəriman Qurbanov deyib.
Onun sözlərinə görə, SOCAR-ın Gürcüstan nümayəndəliyi mərkəzi ofisdə, eləcə də regionlarda və bütün yanacaqdoldurma məntəqələrində dezinfeksiya işləri aparıb, fəaliyyətini davam etdirir.
“Ərzaq, tibb, bank, mebel sənayesi və digər sahələrlə məşğul olan Azərbaycan şirkətlərinin də heç bir problemi yoxdur və onlar azad fəaliyyət göstərirlər” - deyə, N.Qurbanov vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
