GÜRCÜSTANIN AZƏRBAYCANLI MƏKTƏBLİLƏRİ UNUDULMUR

14.11.2005 [21:29]
Çap et
A⁺ A^-

AZƏRTAC xəbər verir ki, Gürcüstandakı soydaşlarımızın təhsil almasına həmişə böyük əhəmiyyət vermiş ulu öndərimiz Heydər Əliyevin bu istiqamətdə gördüyü işlər bu gün də uğurla davam etdirilir. Prezident İlham Əliyevin qayğısı və göstərişi ilə hər il yeni dərs ili ərəfəsində oradakı Azərbaycan məktəblərinə dərsliklər, tədris vəsaiti və lazımi avadanlıq göndərilir, məktəblər təmir etdirilir. Elə bu dərs ilinin başlanğıcında da qonşu ölkədəki 160-dan artıq Azərbaycan məktəbi üçün Prezident İlham Əliyevin göstərişi ilə dərsliklər gətirilib və Azərbaycanın Gürcüstandakı səfirliyinin yaxından köməkliyi ilə Borçalı məktəblərinə paylanıb.

Bu günlərdə Borçalıda yaxşı tanınan, buradakı bütün soydaşlarımızın yaxın dostu Aslan Aslanov onların məktəbli övladlarına xeyli dərslik göndərib. Bununla əlaqədar Bolnisi rayonunun Zol-güyəş kənd orta məktəbində tədbir keçirilib. Tədbirdə Gürcüstan Təhsil Nazirliyinin, Kvemo Kartli-Borçalı bölgəsi qubernatorluğunun nümayəndələri, digər məktəblərin müəllim və şagirdləri iştirak etmişlər. Tədbirdə məktəbin dərs hissə müdiri Qəhrəman Mirzəyev, kənd məclisinin sədri İsmayıl Məmmədov və başqaları ümummilli liderimiz Heydər Əliyevin siyasi xəttini layiqincə davam etdirən, Gürcüstan azərbaycanlılarını unutmayan, onlara qayğı və diqqətini əsirgəməyən İlham Əliyevə dərin minnətdarlıqlarını bildirmişlər. Onlar Azərbaycanda keçirilmiş parlament seçkilərini diqqətlə izlədiklərini, Yeni Azərbaycan Partiyasının inamlı qələbəsinə ürəkdən sevindiklərini də vurğulamışlar.

GÜRCÜSTANIN AZƏRBAYCANLI MƏKTƏBLİLƏRİ UNUDULMUR

MÜƏLLİFLƏ ƏLAQƏ

Bölmənin digər xəbərləri