GÜRCÜSTANIN DMANİSİ RAYONUNUN SAKİNLƏRİ TORPAQ İSTƏYİRLƏR
AZƏRTAC-ın müxbiri Tbilisidən xəbər verir ki, Gürcüstanın Dmanisi rayonunun azərbaycanlılar yaşayan Yuxarı Oruzman və Mtisdziri kəndlərinin sakinləri dördüncü çağırış Gürcüstan parlamentinin binası qarşısında aksiya keçirmişlər. Onlar Gürcüstan Prezidenti Mixail Saakaşviliyə müraciət edərək, torpaq islahatının qanunauyğun və ədalətli aparılması, bu sahədə yol verilən nöqsanların aradan qaldırılması üçün tədbirlər görməyi xahiş etmişlər.
Son vaxtlar Kvemo Kartli - Borçalı bölgəsinin ayrı-ayrı rayonlarından torpaq islahatı zamanı ədalətsizliyə yol verildiyi barədə Gürcüstanın yeni iqtidarının ünvanına xeyli müraciət daxil olmuşdur.
Bölmənin digər xəbərləri
