Gürcüstanın hakim partiyasının sədri Bidzina İvanişvili fəal siyasətdən gedir
Tbilisi, 11 yanvar, AZƏRTAC
Gürcüstanın hakim “Gürcü Arzusu - Demokratik Gürcüstan” Partiyasının sədri Bidzina İvanişvili yenidən fəal siyasəti tərk edir.
AZƏRTAC xəbər verir ki, o, bu barədə partiya üzvlərinə və silahdaşlarına yazdığı açıq məktubda bildirib.
B.İvanişvili Gürcüstanın siyasi həyatındakı vəzifəsini yerinə yetirdiyini və missiyasının başa çatdığını vurğulayıb.
Qeyd edək ki, milyarder B.İvanişvili 2012-2013-cü illərdə Gürcüstanın Baş naziri olub. O, 2013-cü ildə siyasətdən getsə də, 2018-ci ildə yenidən siyasətə qoşulub və həmin ilin mayından hakim partiyanın sədri seçilib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
