Gürcüstanın mayda idxal etdiyi sürtkü yağlarının 12,3 faizi Azərbaycanın payına düşüb
Tbilisi, 10 iyun, AZƏRTAC
Cari ilin may ayında Gürcüstan 1,06 min ton sürtkü yağı idxal edib. Bu, 2019-cu ilin eyni dövrü ilə müqayisədə 0,29 min ton və yaxud 37,7 faiz çoxdur.
AZƏRTAC xəbər verir ki, bu barədə Gürcüstanın Neft Məhsulları İdxalçıları Birliyi məlumat yayıb. Bildirilir ki, mayda Gürcüstan ən çox İrandan sürtkü yağı idxal edib (0,26 min ton).
Hesabat ayında Gürcüstan Azərbaycandan 0,13 min ton sürtkü yağı idxal edib ki, bu da ümumi idxalın 12,3 faizinə bərabər olub.
Gürcüstan yanvar-may aylarında ümumilikdə 6,07 min ton sürtkü yağı tədarük edib. Bu da, ötən ilin eyni dövrü ilə müqayisədə 19,7 faiz çoxdur.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
