Gürcüstanın Tuşeti bölgəsində güclü sel fəsadlar törədib
Tbilisi, 19 iyul, AZƏRTAC
Gürcüstanın əsas bölgələrindən olan Tuşetidə təbii fəlakət baş verib. Yağan leysan yağışları və dağlarda qarın əriməsi nəticəsində güclü sel və su müşahidə alınıb.
AZƏRTAC xəbər verir ki, bu barədə Tuşeti Qorunan Ərazilər Agentliyi məlumat yayıb.
Bildirilir ki, Tuşeti bölgəsində yağan aramsız leysan yağışları və qarın sürətlə əriməsi səbəbindən çaylarda suyun səviyyəsi həddinsən çox artıb, sel suları Şenako kəndini digər yaşayış məntəqələri ilə birləşdirən körpünün dayaqlarınl tamamilə yuyub aparıb, yolun bir hissəsi çöküb.
Agentlik yerli əhaliyə və turistlərə müraciət edərək onları körpü istiqamətində hərəkət etməməyə, evlərdən və otellərdən çıxmamağa çağırıb.
Bildirilir ki, torpağın çökməsi prosesi hələ də dinamik olaraq qalır. Bu səbəbdən zədələnmiş yol hissəsinə nəqliyyat vasitəsilə yaxınlaşmaq qəti qadağandır.
Bölmənin digər xəbərləri
