Hasan Kleyb: Azərbaycan əqli mülkiyyət sahəsində nümunəvi idarəçilik modeli olan 15 ölkədən biridir
Bakı, 24 iyun, AZƏRTAC
Ümumdünya Əqli Mülkiyyət Təşkilatı (ÜƏMT) dünya ölkələri üzrə 204 qurum arasında bu sahədə ən nümunəvi idarəçilik modellərini toplayaraq onları digər ölkələrə çatdırmaq üçün təlimatlar hazırlayıb. On beş ölkə seçilib. Seçilən ölkələr sırasında Azərbaycan da yer alıb.
AZƏRTAC xəbər verir ki, bunu jurnalistlərə müsahibəsində ÜƏMT Baş direktorunun müavini Hasan Kleyb söyləyib.
Azərbaycana ilk səfəri olduğunu qeyd edən Hasan Kleyb Əqli Mülkiyyət Agentliyinin fəaliyyətini yüksək qiymətləndirib. Eyni zamanda, qeyd edib ki, əsas məqsədi Azərbaycan ilə ÜƏMT arasında əməkdaşlığı gücləndirməkdir: “Bizim yeni şüarımız belədir: əqli mülkiyyət hamı üçün və bütün tərəflər üçün. Bu baxımdan da Azərbaycan ilə əməkdaşlığımızı gücləndirmək istəyirik”.
Bölmənin digər xəbərləri
