Havada tozun miqdarı azalmışdır
Bakı, 8 aprel (AZƏRTAC). Ekologiya və Təbii Sərvətlər Nazirliyi iri sənaye şəhərlərində atmosfer havasının çirklənmə vəziyyətinin proqnozunu vermişdir.
Nazirlikdən AZƏRTAC-a bildirmişlər ki, aprelin 8-də havada tozun miqdarı ötən günlərə nisbətən azalaraq Bakıda 0,6-1,1, Sumqayıtda 0,3-0,8 milliqram/kubmetr olmaqla yol verilən qatılıq həddinə (0,5 milliqram/kubmetr) yaxınlaşmışdır. Kükürd və dəm qazı normadan aşağı olmuşdur.
Gəncə, Mingəçevir, Naxçıvan, Şirvan, Şəki şəhərlərinin atmosfer rejimində isə dəyişiklik müşahidə edilməmişdir.
Bölmənin digər xəbərləri
