Hemilton karyerasını başa vurduqdan sonra yürüşlərdə qalacağına şübhə edir
Bakı, 12 dekabr, AZƏRTAC
“Mercedes” komandasının pilotu Lyuis Hemilton bu il fəaliyyətinin çox vaxtını Formula 1 yürüşlərindən kənarda sərf etməyə çalışıb. Məsələn, o, dəbli geyim leyblləri ilə əməkdaşlıq edib və xeyriyyə layihələrinə, o cümlədən uşaqların təhsilinə kömək etmək istəyini bildirib.
AZƏRTAC xəbər verir ki, Lyuis “təqaüdə çıxması barədə həddindən artıq düşünməyi sevmir” və öz yerini idmandan kənarda axtardığını bildirib.
“Autosport” Hemiltondan sitat gətirir: “Mən həqiqətən bilmirəm ki, Formula 1 hüdudlarından kənarda nə baş verir. Bir çox idmançılar idmanda ömürləri boyu qalırlar, hətta karyeralarını bitirdikdən sonra belə. Mən 8 yaşından yürüşlərdəyəm. Mənim bütün diqqətim bu yürüşlərə yönəlib.
Mən daha nə ilə məşğul olmaq arzumu aydınlaşdırmaq istəyirəm. Təbii ki, karyeramı başa vurduqdan sonra yürüşlərdə qalmaq mənim üçün çox asandır. Mümkündür ki, mən hətta ikinci Toto (Red: Toto - “Mercedes”in rəhbəri) ola bilərəm. Mən uzun illərdir ki, yürüşlərdəyəm. Lakin yeni nə isə öyrənmək mənə maraqlıdır”.
Bölmənin digər xəbərləri
