HƏRBÇİLƏRİMİZ NATO-NUN TƏDBİRLƏRİNDƏ İŞTİRAK EDİRLƏR
Müdafiə Nazirliyinin mətbuat xidmətindən AZƏRTAC-a bildirmişlər ki, NATO-nun “Sülh naminə tərəfdaşlıq” proqramı çərçivəsində martın 15-dən 19-dək Bakı şəhərində “Sərhəd təhlükəsizliyi” mövzusunda təlim kursu, Almaniyanin Oberammerqau şəhərində “Böhranların idarə olunması” üzrə kurs, martın 16-dan 20-dək Estoniyanın paytaxtı Tallində “Combıned Endeavor-2004” təliminin yekun planlaşdırma konfransı, martın 16-dan 26-dək İtaliyanın Roma şəhərində “Silahlara nəzarət üzrə müfəttiş/müşayiətçi kursu”, ABŞ-ın Fort Hud və Latviyanın Riqa şəhərlərində “Cooperative Nugget 2004” təliminin ikinci fazası keçirilir.
NATO ilə Azərbaycan Respublikası arasında imzalanmış fərdi proqrama uyğun olaraq, tədbirlərdə ölkəmizin Silahlı Qüvvələrinin nümayəndələri də iştirak edirlər.
Bölmənin digər xəbərləri
