HEYDƏR ƏLİYEV FONDUNUN TƏŞƏBBÜSÜ İLƏ AĞCABƏDİDƏ YENİ MƏKTƏB BİNALARI İNŞA OLUNMUŞDUR
Rayon təhsil şöbəsinin müdiri Mehdi Əhmədov AZƏRTAC-ın müxbirinə bildirmişdir ki, proqram çərçivəsində 2 nömrəli Hindarx, Şənlik, Minaxorlu kənd orta məktəbləri üçün hər biri 240 yerlik, Hacılar kəndində 200 yerlik, Aşağı Avşar kəndində isə 100 yerlik yeni binalar tikilib istifadəyə verilmişdir.
Yerli büdcə vəsaiti hesabına 4 nömrəli şəhər orta məktəbi üçün 360 yerlik yeni bina tikilmiş, 9 nömrəli şəhər orta məktəbi əsaslı təmir olunmuşdur. Proqramın 2-ci mərhələsində Şərəfxanlı kəndində 240 yerlik, Qaraxanlı və Mehrablı kəndlərində hər biri 200 yerlik, Xocavənd kəndində isə 100 yerlik məktəb binalarının inşa edilməsi nəzərdə tutulmuşdur.
Bölmənin digər xəbərləri
