HİNDİSTANA TƏRƏVƏZ MƏHSULU GÖNDƏRİLƏCƏK

30.03.2004 [14:06]
Çap et
A⁺ A^-

Masallı rayonunun Kolatan kəndində Etibar Sadıqovun rəhbərlik etdiyi “Sarbaxıl” şirkəti ilə Hindistanın ölkəmizdə fəaliyyət göstərən iş adamları arasında bağlanmış müqaviləyə əsasən şirkət tərəfindən hindlilər üçün 250 hektarda bibər məhsulu yetişdiriləcəkdir.

AZƏRTAC-ın müxbiri xəbər verir ki, şirkətin rəhbərliyi bununla əlaqədar torpaq mülkiyyətçilərindən 250 hektar sahəni icarəyə götürmüşdür. Artıq sahələrdə şumlama işi başa çatmışdır. Yardımçı istixana təsərrüfatlarında bibər şitillikləri yetişdirilmişdir. Aprelin əvvəllərində şitillərin sahələrə köçürülməsinə başlanacaq. Burada 1500-dən yuxarı işçi çalışacaqdır.

“Sarbaxıl”ın tədarük etdiyi bibər məhsullarının gələcəkdə şirkətdə qurudulması, üyüdülməsi və birbaşa bazara çıxarılması nəzərdə tutulmuşdur.