İçərişəhərdə “Vahid məlumatlandırma xidməti” istifadəyə verilib
Bakı, 19 iyun, AZƏRTAC
“İçərişəhər” Dövlət Tarix-Memarlıq Qoruğu İdarəsi İçərişəhər və Qala Qoruqlarının sakin və sahibkarları ilə aparılan işlərin təkmilləşdirilməsi məqsədilə “Vahid məlumatlandırma xidməti”ni (VMX) istifadəyə verib.
Qoruq İdarəsindən AZƏRTAC-a bildirilib ki, İçərişəhər UNESCO-nun Ümumdünya İrs Siyahısına daxil olmaqla bərabər, eyni zamanda, yaşayan bir şəhərdir. Bu səbəbdən də VMX tarixi qoruqlarda baş verənlər haqqında sakin və sahibkarları zamanında rəqəmsal şəkildə məlumatlandırmaq üçün hazırlanıb.
Məlumat üçün bildiririk ki, “Vahid məlumatlandırma xidməti” sakin və sahibkarlar üçün ödənişsiz əsasda təqdim edilir.
Bölmənin digər xəbərləri
