İDMAN
III Avropa Oyunları: Boksçumuz Murad Allahverdiyev səkkizdəbir finala yüksəlib VİDEO
![](/files/galleryphoto/2023/2/1200x630/16876266023970752896_1200x630.jpg)
![](/files/galleryphoto/2023/2/1200x630/16876266024531848_1200x630.jpg)
![](/files/galleryphoto/2023/2/1200x630/168762660245012048_1200x630.jpg)
![](/files/galleryphoto/2023/2/1200x630/16876266024412518610_1200x630.jpg)
![](/files/galleryphoto/2023/2/1200x630/16876266022183254514_1200x630.jpg)
![](/files/galleryphoto/2023/2/1200x630/16876266021658231142_1200x630.jpg)
Novı Tarq, 24 iyun, AZƏRTAC
Azərbaycan boksçusu Murad Allahverdiyev Polşada keçirilən III Avropa Oyunlarına qələbə ilə başlayıb.
AZƏRTAC xəbər verir ki, turnirdə 80 kiloqram çəki dərəcəsində mübarizə aparan yığmamızın üzvü 1/16 final mərhələsi çərçivəsində Kevin Şumannla (Almaniya) qarşılaşıb.
Döyüş M.Allahverdiyevin qələbəsi ilə yekunlaşıb. İlk 2 raundu aktivinə yazan boksçumuz üçüncü hissədə tam üstünlüklə qalib gəlib.
Boksçumuz səkkizdəbir final döyüşünə iyunun 26-da çıxacaq.
Qeyd edək ki, axşam seansında daha 1 boksçumuz mübarizəyə qoşulacaq. Alfonso Dominqes (92 kq) Yan Zakla (İsrail) münasibətinə aydınlıq gətirəcək.
İyulun 2-dək davam edəcək III Avropa Oyunlarında 48 ölkədən 7 minə yaxın idmançı mübarizə aparacaq. İdmançılar 29 növ üzrə 253 dəst medalın sahibini müəyyənləşdirəcək. Azərbaycan Krakov-2023-də 13 növ üzrə 86 idmançı ilə təmsil olunur.
Tarixdə ilk Avropa Oyunları 2015-ci ildə Bakıda, ikinci multiidman tədbiri 2019-cu ildə Minskdə baş tutub. Azərbaycan millisi bu yarışlarda 84 medal qazanıb. İdmançılarımız 26 qızıl, 25 gümüş və 33 bürünc mükafat əldə edib. Komandamız medal sıralamasında “Bakı-2015”də 2-ci, “Minsk-2019”da 10-cu yeri tutub.