İlin əvvəlindən İnterpol xətti ilə axtarılan 500 nəfər Türkiyəyə təhvil verilib
Ankara, 20 oktyabr, AZƏRTAC
2025-ci ilin əvvəlindən İnterpol xətti ilə beynəlxalq axtarışda olan 500 nəfər Türkiyəyə ekstradisiya edilib.
AZƏRTAC xəbər verir ki, bu barədə Türkiyənin daxili işlər naziri Ali Yerlikaya məlumat verib.
Nazirin sözlərinə görə, axtarışda olan sonuncu qrup Türkiyəyə Almaniya, Monteneqro və Qazaxıstan hakimiyyət orqanları tərəfindən təhvil verilib.
Ali Yerlikaya cinayətkarlığa qarşı mübarizədə beynəlxalq əməkdaşlığın əhəmiyyətini vurğulayaraq İnterpol xidmətinə təşəkkürünü bildirib.
“Məkanından asılı olmayaraq, cinayətkarları tapır və bir-bir ölkəyə qaytarırıq. Sülh və təhlükəsizlik naminə bu istiqamətdə qətiyyətlə çalışmaqda davam edəcəyik”, – deyə Türkiyənin daxili işlər naziri vurğulayıb.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
