İordaniyada COVID-19-a yoluxma halları kəskin artıb
Qahirə, 7 aprel, AZƏRTAC
İordaniyada son sutka ərzində COVID-19-a yoluxma hallarında kəskin artım qeydə alınıb. AZƏRTAC xəbər verir ki, krallığın Səhiyyə Nazirliyi aprelin 6-da altı mindən çox insanın yeni növ koronavirusa yoluxduğu, 100 pasiyentin isə vəfat etdiyi barədə məlumat yayıb. İordaniyada virusa yoluxanların ümumi sayı 645 450-yə, ölüm halları isə 7383-ə çatıb.
Rəsmi Petra informasiya agentliyinin məlumatına görə, ən çox yoluxma paytaxt Əmmanda (2269 nəfər) və İbriddədir (942). Hazırda İordaniyada 76 mindən çox aktiv COVID-19 xəstəsi olduğu bildirilir. Müqayisə üçün qeyd edək ki, əhalisi qonşu Misirdən on dəfə az olan bu ölkədə yoluxma sayı on bir dəfə çoxdur.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
