İqlim dəyişikliyi təbii fəlakətlərə yol açır
Bakı, 7 noyabr, AZƏRTAC
Qlobal istiləşmə təkcə Dünya okeanının səviyyəsinin artmasına, buzlaqların əriməsinə deyil, həm də daşqınlara və quraqlığa gətirib çıxarır.
AZƏRTAC vladtaym.ru saytına istinadla xəbər verir ki, bu barədə ABŞ-n okean və atmosferin öyrənilməsi üzrə Milli idarəsi açıqlama verib. Dünyanın bütün guşələrində aparılan tədqiqatlarda onlarla alim iştirak edib. Onların hesabatına əsasən demək olar ki, planetdə 2014-cü ildə qeydə alınan 28 iri təbii fəlakətin yarısı iqlim dəyişikliklərinin təsiri nəticəsində baş verib. İstiləşmənin nəticələri ən çox Sakit okeanı ərazisində qasırğalarla, Avropa, Argentina, Çin və Koreya Respublikası ərazisində anomal yüksək istilərlə özünü büruzə verib. Həmçinin iqlimin dəyişməsi Kaliforniyada dağıdıcı meşə yanğınlarına səbəb olub. Alimlərin fikrincə, qlobal istiləşmə Yaxın Şərqdə və Afrikada quraqlığın, Kanadada və Yeni Zelandiyada daşqınların, Nepalda qar tufanının başlaması üçün katalizator olub.
Bölmənin digər xəbərləri
