İranda karantin rejiminin yumşaldılması koronavirusa yoluxanların sayının artmasına səbəb olub

23.05.2020 [15:22]
Çap et
A⁺ A^-

Tehran, 23 may AZƏRTAC

İranda karantin rejiminin yumşaldılması koronavirusa yoluxanların sayının artmasına səbəb olub.

AZƏRTAC xəbər verir ki, bu barədə məlumatı İranın Səhiyyə Nazirliyinin mətbuat katibi Kiyanuş Cahanpur verib. Onun sözlərinə görə, son 24 saat ərzində 1869 nəfər virusa yoluxub, 59 nəfər isə həyatını itirib. Bununla da İranda virusa yoluxanların ümumi sayı 133 min 521 nəfərə, ölənlərin sayı isə 7 min 359 çatıb.

Mətbuat katibi diqqətə çatdırıb ki, xüsusi xəstəxanalarda müalicə alan 104 min nəfər sağalaraq evə buraxılıb, 2 min 633 nəfərin vəziyyəti ağır olaraq qalır.

Rabil Kətanov

AZƏRTAC-ın xüsusi müxbiri

Tehran