İranda prezident seçkiləri zamanı virusun yayılmaması üçün tədbirlər görüləcək

09.06.2021 [15:27]
Çap et
A⁺ A^-

Tehran, 9 iyun, AZƏRTAC

İranda prezident seçkiləri zamanı koronavirusun yayılmasının qarşısını almaq üçün Səhiyyə Nazirliyinin əməkdaşları ilə birlikdə bütün lazımi tədbirlər həyata keçiriləcək.

AZƏRTAC xəbər verir ki, bu sözləri İranın daxili işlər naziri Əbdülrza Rəhmani Fəzli jurnalistlərə açıqlamasında deyib. O bildirib ki, səsvermə prosesi başlamazdan əvvəl bütün məntəqələr dezinfeksiya ediləcək, səsverməyə gələnlərin temperaturu yoxlanılacaq, tibbi maska və əllərin dezinfeksiyası üçün spirtlə təmin ediləcəklər. Bununla yanaşı səsvermədə iştirak etmək üçün ara məsafəsinin saxlanılmasına da nəzarət olunacaq.

Qeyd edək ki, iyunun 18-də İranda 13-cü prezident seçkiləri keçiriləcək.

Rabil Kətanov

AZƏRTAC-ın xüsusi müxbiri

Tehran