İRANDA TƏYYARƏ QƏZASI QURBANLARININ SAYI HAQQINDA MƏLUMAT DƏQİQLƏŞDİRİLİR
Sentyabrın 1-də Məşhəd şəhərinin hava limanında baş vermiş təyyarə qəzasında həlak olanların sayı haqqında yayılan rəqəmlər bir qədər şişirdilmişdir. Təyyarədəki 147 sərnişindən 97-si xilas ola bilmişdir. AZƏRTAC İTAR-TASS-a istinadla xəbər verir ki, İRNA agentliyinin İranın Mülki Aviasiya Təşkilatı mətbuat xidmətindən aldığı məlumata görə, həlak olanların dəqiq sayı hələlik müəyyən edilməyibdir. Lakin qəti məlumdur ki, 97 nəfər sağ qalmışdır. Beləliklə, ən çox 50 sərnişin həlak olmuşdur. Bundan əvvəl 80 və hətta 90 adamın öldüyü bildirilirdi. Xəsarət alanlardan bir neçəsi Məşhəd xəstəxanalarına aparılıb və onların vəziyyəti çox ağırdır.
İTAR-TASS Moskvadan xəbər verir ki, bu təyyarə qəzasının təhqiqində Dövlətlərarası Aviasiya Komitəsi də iştirak edir.
Bölmənin digər xəbərləri
