İSFAHAN RƏSSAMLARININ SƏRGİSİ

15.09.2006 [00:29]
Çap et
A⁺ A^-

AZƏRTAC xəbər verir ki, Vəcihə Səmədova adına sərgi salonunda İsfahan rəssamlarının işlərindən ibarət sərgi açılmışdır. Sərgi “Haqsız müharibə və onun nəticələri” adlanır.

Rəssamlar İttifaqının sədri Fərhad Xəlilov sərginin açılışında çıxışında İran rəssamları ilə sıx əlaqələrdən danışdı, onların Azərbaycan müstəqilliyə qovuşduğu ilk günlərdən ölkəmizdə təşkil olunan müxtəlif mövzularda sərgilərdə fəal iştirak etdiklərini vurğuladı.

İranın ölkəmizdəki səfirinin müavini Məhəmməd Rza Rəşid bu yaxınlarda Təbrizdə Azərbaycan rəssamlarının sərgisinin keçirildiyini xatırladaraq dedi ki, belə tədbirlər mədəni əlaqələrin inkişafına təkan verir.

İndiki sərgidə İsfahan rəssamlıq məktəbi nümayəndələrinin 54 əsəri nümayiş etdirilir.

Ekspozisiyada anonim müəlliflərin işləri də var.