İsmayıllıda indiyədək 1350 hektardan çox sahədə yazlıq bitkilər əkilib
İsmayıllı, 8 aprel, AZƏRTAC
İsmayıllı rayonunda yazlıq bitkilərin əkini davam edir və artıq 1350 hektardan çox sahədə əkin aparılıb.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, yazlıq əkinlər daha çox cənub dağətəyi ərazilərdə, o cümlədən Qubaxəlilli, Gəraybəyli, Kəlbənd, Kürdmaşı yaşayış məntəqələrinin ərazilərində aparılır. Ümumiyyətlə, rayonda indiyədək 733 hektarda kartof, 241 hektarda tərəvəz, 314 hektarda yemlik noxud, 62 hektarda vələmir və sair əkilib.
Cari mövsümdə 20 hektar sahədə tütün əkiləcək. Əkin aparılacaq ərazilərdə şum da çıxarılıb. Habelə şitillik hazırlanıb, istixanalara toxum səpilib. Qurbanəfəndi və Topçu kəndlərindəki istixanalarda səpilən toxumlardan artıq bitiş alınıb.
Bölmənin digər xəbərləri
