İsmayıllıda tütün əkininə hazırlıq işləri görülür
İsmayıllı, 25 mart, AZƏRTAC
İsmayıllı rayonunda cari mövsümdə 15 hektar sahədə tütün əkini nəzərdə tutulub və hazırda bununla bağlı hazırlıq işləri görülür.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, tütün əkini Qurbanəfəndi, Topçu, Qalınçaq, Diyallı, Talıstan kəndlərində və İsmayıllı şəhəri ərazisində aparılacaq. Artıq 15 hektar sahədə şum çıxarılıb.
Tütün əkini üçün şitillər fermerlər tərəfindən şitilxanalarda yetişdirilir. Artıq səpin işləri aparılıb.
Səpilən toxumlarda normal və sağlam şitil alınması üçün Dövlət Aqrar İnkişaf Mərkəzinin mütəxəssisləri tütünçü fermerlərlə mütəmadi görüşlər keçirir, onlara lazımi məsləhətlər verirlər.
Şitillər təqribən bir aydan sonra açıq sahəyə köçürüləcək.
Bölmənin digər xəbərləri
