İsmət Səttarov: Bu il 4 yeni radiotezlik istifadəyə verilib
Bakı, 26 dekabr, AZƏRTAC
Audiovizual Şura hər il öz fəaliyyəti barədə hesabat verir. Bu il Şura üçün bir çox dəyişikliklər və yeniliklərlə yadda qalıb. “Media haqqında” qanun qəbul edilib. Bundan başqa, bu il 4 yeni radiotezlik istifadəyə verilib və ölkədə ümumilikdə radioların sayı 15-ə çatıb.
AZƏRTAC xəbər verir ki, bunu Audiovizual Şuranın sədri İsmət Səttarov dekabrın 26-da keçirilən mətbuat konfransında deyib.
O bildirib ki, 9 böyük hadisə baş verib. Qanunun qəbul edilməsi ilə media sahəsinə bir çox yeniliklər gətirilib.
Yayımlarda Azərbaycan dilinin işlənməsi məsələsindən danışan İsmət Səttarov bildirib ki, canlı yayımda titr-tərcümənin verilməsini məqsədəuyğun hesab edib. Həmçinin peyk yayımından bəhs edən sədrin sözlərinə görə, televiziya tamaşaçılarının 80 faizindən çoxu proqramları peykdən izləyir. 2022-ci ilin əvvəlinə kimi peyk yayımında ancaq “CBC Sport” və “ARB-24” kanalı HD-də, qalanları isə SD formatında yayımlanırdı. Cari ilin yanvarından isə ölkədə fəaliyyət göstərən bütün televiziya kanalları HD formatına keçib.
SD yayımdan CD yayıma keçidlə bağlı mövcud problemlərdən danışan İsmət Səttarov 3-cü məsələnin auidiovizal yayımçıların borcları ilə bağlı olduğunu deyib.
Bölmənin digər xəbərləri
