İSPANİYA HƏRBİ KONTİNGENTİNİ İRAQDAN ÇIXARACAQ
AZƏRTAC-ın “Novosti” Agentliyindən aldığı xəbərdə deyilir ki, İraqda vəziyyət dəyişməz qalsa, İspaniya hərbi kontingenti bu ölkəni iyunun 30-da tərk edəcəkdir.
Bunu İspaniyanın yeni Baş naziri, Sosialist Partiyasının lideri Xose Rodriges Zapatero martın 15-də İspaniyanın “Kadena CEP” radiostansiyasının müxbirinə müsahibəsində açıqlamışdır. O, seçkilərdən sonra ilk bəyanatında bildirmişdir ki, 1300 nəfərdən ibarət İspaniya kontingenti evə qayıdacaqdır.
Xatırladaq ki, İspaniyada bazar günü keçirilmiş ümumi parlament seçkilərində Sosialist Partiyası qələbə qazanaraq 164 mandat almışdır. Hakim Xalq (Mühafizəkar) Partiyası ikinci yeri tutmuşdur – 148 mandat.
Bölmənin digər xəbərləri
