İSRAİL LİVANIN DƏNİZDƏN BLOKADASININ GÖTÜRÜLMƏSİ ÇAĞIRIŞINI RƏDD ETMİŞDİR
Bir qədər əvvəl İsrailin xarici işlər naziri xanım Sipi Livni bildirmişdir ki, onun ölkəsi hərbi dəniz qüvvələrini yalnız beynəlxalq qüvvələr onların yerini tutduqdan, ya da sahilə digər nəzarət üsulu tapıldıqdan sonra çıxaracaqdır. Quru qoşunları da həmin ssenari üzrə hərəkət edəcəklər. Müdafiə naziri Amir Peresin sözlərinə görə, onlar Livanda bərabər sayda sülhməramlı yerləşdirildikdən sonra oradan çıxacaqlar.
Qüdsdən alınan məlumata görə, Kofi Annanın blokadanın götürülməsi barədə sualına cavab olaraq, İsrail rəhbərliyi İsrail əsgərlərinin azad edilməsi məsələsini qaldırmışdır. BMT-nin baş katibi demişdir ki, bu problemin həlli üçün səy göstərəcəkdir. Onun sözlərinə görə, Livanda keçirdiyi görüşlərin nəticələrinə görə hərbçilərin sağ-salamat olduqlarına şübhə etməyə əsas yoxdur.
Annan Livni ilə danışıqlardan sonra Rəmallaha yola düşmüşdür. O, Fələstin milli hökumətinin başçısı Mahmud Abbasla sülh prosesinin dirçəldilməsinin perspektivləri və Qəzzə bölməsində oğurlanmış İsrail əsgərinin buraxılması məsələlərini müzakirə edəcəkdir. Sonra Annan Yaxın Şərq səfəri çərçivəsində İordaniyaya gedəcəkdir.
Bölmənin digər xəbərləri
