İstanbulun tarixi muzeyinə azərbaycanlı şairin fotoları və şeiri əlavə edilib
İzmir, 5 sentyabr, Günel Karatepe, AZƏRTAC
İstanbulun “Aşiyan” muzeyinin eksponatları arasına Azərbaycan şairi Qasım Qasımzadənin fotoları və “Kiçik Asiyada böyük insan” şeiri əlavə edilib.
AZƏRTAC xəbər verir ki, Osmanlı İmperiyası dövründə yaşamış, türk ədəbiyyatının tanınmış simalarından olan şair, maarifçi Tevfik Fikretin ev-muzeyi olan “Aşiyan” şairin ölümündən bir müddət sonra İstanbul Böyükşəhər Bələdiyyəsi tərəfindən satın alınıb və 1945-ci il avqustun 19-da “Ədəbiyyat-ı Cədidə Muzeyi” adı ilə ziyarətə açılıb.
Şairin İstanbulun Eyüp bölgəsindəki ailə qəbiristanlığında yerləşən məzarı 1961-ci ildə muzeyin həyətinə köçürülüb və bundan sonra muzey “Aşiyan” adını alıb. Türkiyənin ilk ədəbiyyat muzeyi statusu daşıyan bu məkanda Tevfik Fikretin mumdan heykəli, orijinal əşyaları, sənədləri, şairin ədəbiyyatçı dostlarının fotoları, həyat yoldaşı tərəfindən İstanbul Bələdiyyəsinə bağışlanmış əşyalar yer alır.
Qasım Qasımzadənin Tevfik Fikretə həsr etdiyi şeiri 1968-ci ildə Türkiyəyə səfərindən sonra qələmə aldığı silsiləyə daxildir və muzeyi ziyarətindən də bəhs edir.
Bölmənin digər xəbərləri
