İSTİFADƏYƏ YARARSIZ SİQARET GƏTİRƏN ŞƏXS HƏBS OLUNMUŞDUR

16.07.2004 [19:09]
Çap et
A⁺ A^-

Bu günlərdə Dövlət Gömrük Komitəsinin (DGK) əməkdaşları tərəfindən Sumqayıt gömrükxanasının Hacı Zeynalabdin Tağıyev postunda sürücü Məmmədov Elbrus Azad oğlunun idarə etdiyi “QAZel” markalı 10 MR 493 dövlət nömrə nişanlı avtomaşında yoxlama aparılarkən avtomaşının yük yerindən Bakı şəhər sakini Allahverdiyev Gündüz Fəxrəddin oğluna məxsus olan və Azərbaycan Respublikasının aksiz markaları ilə markalanmamış 176 milyon manat dəyərində 9 adda 57550 qutu siqaret aşkar edilərək götürülmüşdür.

DGK-nın mətbuat xidmətindən AZƏRTAC-a daxil olmuş məlumatda bildirilir ki, Azərbaycan Elmi Tədqiqat Məhkəmə Ekspertizası, Kriminalistika və Kriminologiya Problemləri İnstitutunun rəyinə görə, ekspertizaya təqdim edilmiş ağ “Yava”, “Yava Zolotaya” siqaretlərinin xeyli hissəsi istifadəyə yararsızdır.

Dövlət Gömrük Komitəsinin İstintaq İdarəsi tərəfindən faktla əlaqədar Azərbaycan Respublikası Cinayət Məcəlləsinin 206.1-ci və 213-1.2.1 maddələri ilə cinayət işi başlanılmış, zəruri istintaq hərəkətləri yerinə yetirildikdən sonra şübhəli şəxs qismində saxlanılan Allahverdiyev Gündüz Fəxrəddin oğlu barəsində Yasamal rayon məhkəməsinin qərarı ilə həbs qətimkan tədbiri seçilmişdir.

Fakt üzrə istintaq aparılır.

İSTİFADƏYƏ YARARSIZ SİQARET GƏTİRƏN ŞƏXS HƏBS OLUNMUŞDUR

MÜƏLLİFLƏ ƏLAQƏ

Bölmənin digər xəbərləri