İtaliya Prezidenti: Qəzzaya olan hisslər antisemitizmə çevrilməməlidir
Roma, 7 oktyabr, AZƏRTAC
Qəzzada baş verənlər və onların doğurduğu müxtəlif duyğular antisemitizmin mənfur hissləri ilə birləşdirilə bilməz.
AZƏRTAC xəbər verir ki, bunu İtaliya Prezidenti Sercio Mattarella HƏMAS-ın İsrailə qarşı hücumunun ikinci ildönümü ilə bağlı bəyanatında bildirib.
“7 oktyabr 2023-cü il tarixin qaranlıq səhifəsi kimi yaddaşlarımızda qalır və qalacaq. Müdafiəsiz İsrail vətəndaşlarına qarşı həyata keçirilən qorxaq terror hücumu Fələstində sülhə və qarşılıqlı təhlükəsizliyə ciddi zərbə vurdu. Bu hadisə Qəzza xalqını dözülməz ölüm, aclıq və ümidsizlik içində yaşamağa məcbur etdi.
Qəzzada baş verənlər və onların doğurduğu müxtəlif duyğular, xüsusən də keçən əsrdə dəhşətli vəhşiliklərin zirvəsinə çatmış, bu gün isə bəzən yenidən üzə çıxan antisemitizmin nifrət və axmaqlıq dolu hissləri ilə qarışdırıla bilməz.
Ümid edirəm ki, bu misli görünməmiş zorakılıq dalğasına son qoymaq səyləri mümkün qədər tez nəticə verəcək”, – deyə Sercio Mattarella vurğulayıb.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
