İvan Krılovun sağlığında nəşr olunmuş sonuncu təmsillər kitabı hərracda 1,8 milyon rubla satılıb
Bakı, 3 aprel, AZƏRTAC
“Litfond” hərrac evində XVI-XIX əsrlərin bukinist raritetlərinin satışı həyata keçirilib.
AZƏRTAC “Kulturomaniya” saytına istinadla xəbər verir ki, əsas lotlardan biri İvan Krılovun sağlığında nəşr olunmuş sonuncu təmsillər kitabıdır.
Lot start qiymətini üç dəfə üstələyərək 1,8 milyon rubla (23 min dollardan çox) satılıb.
Qeyd edək ki, Krılov nəşri çapa hazırlamağa və hətta siqnal nüsxələrini almağa da macal tapıb. Lakin kitabın əsas tirajının çıxmasını görməyib. Yazıçının ölümündən sonra vəsi Y.İ.Rostovsev onun istəyini həyata keçirərək, kitabları 1838-ci ildə təşkil olunan yubiley təntənəsində iştirak edən şəxslərə göndərib.
Bölmənin digər xəbərləri
