İyirmi iki yaşadək oğlan voleybolçulardan ibarət Azərbaycan millisinin “Avro-2022”də rəqibləri bəlli olub
Bakı, 26 aprel, AZƏRTAC
İyirmi iki yaşadək oğlan voleybolçulardan ibarət Azərbaycan millisinin “Avro-2022”də rəqibləri bəlli olub.
AZƏRTAC Azərbaycan Voleybol Federasiyasının mətbuat xidmətinə istinadla xəbər verir ki, ikinci təsnifat mərhələsindən mübarizəyə qoşulacaq yığmamız Kosova, Niderland və Slovakiya ilə birgə E qrupunda gücünü yoxlayacaq.
Eldar Əliyevin baş məşqçisi olduğu komanda ilk matçını mayın 20-də Kosova millisinə qarşı keçirəcək. Voleybolçularımız ertəsi gün Niderlandla, mayın 22-də isə Slovakiya ilə üz-üzə gələcəklər. Komandamızın oyunları Bakı vaxtı ilə 21:00-da başlayacaq. Görüşlərə Kosova ev sahibliyi edəcək.
Qeyd edək ki, təsnifat mərhələsində 21 komanda 6 qrupda qüvvəsini sınayacaq. Qrup qalibləri və ən yaxşı ikinci yerin sahibi final mərhələsinə vəsiqə qazanacaq.
Bölmənin digər xəbərləri
