Kabil: Novruz şənliyi faciəyə çevrildi
Bakı, 21 mart, AZƏRTAC
Kabildə Novruz bayramını qeyd edən insanlara hücum nəticəsində azı 26 nəfər həlak olub, 18 nəfər isə yaralanıb.
AZƏRTAC xarici KİV-lərə istinadla xəbər verir ki, bu barədə Əfqanıstan Daxili İşlər Nazirliyinin nümayəndəsi Nusra Rahimi bildirib.
Partlayış martın 21-də Kabil Universitetinin yaxınlığında, Novruz bayramı şənliyi zamanı baş verib. İlkin məlumata əsasən, partlayıcı qurğu terrorçu-kamikadze tərəfindən işə salınıb. Ölənlərin sayının arta biləcəyi istisna olunmur.
Terror aktının məsuliyyətini İŞİD qruplaşması üzərinə götürüb.
Bölmənin digər xəbərləri
