Kanada hökuməti F-16 pilotlarının hazırlanmasında Ukraynaya kömək etmək niyyətindədir
Bakı, 24 yanvar, AZƏRTAC
Kanada hökuməti Ukraynaya 10 çoxməqsədli qayıq təhvil verəcək, həmçinin F-16 qırıcı-bombardmançı təyyarələrini idarə etmək üçün ukraynalı pilotlara təlimatçılar və təyyarələr verəcək.
AZƏRTAC xəbər verir ki, bu barədə Kanadanın milli müdafiə naziri Uilyam Bleyrin Kiyevə silah və hərbi texnikanın tədarükünü əlaqələndirmək üçün Qərb tərəfindən yaradılmış təmas qrupunun növbəti iclasının yekunlarına dair bəyanatında deyilir.
Bildirilib ki, ümumi dəyəri 20 milyon Kanada dolları olan 10 çoxməqsədli qayıqlardan həm qoşunların və yüklərin çatdırılması, həm də kəşfiyyat əməliyyatlarının aparılması üçün istifadə oluna bilər. Bu katerlərin nəzarət hazırlığı və Ukrayna Silahlı Qüvvələrinə təhvil verilməsinin 2024-cü ilin yaz aylarının sonunadək başa çatdırılacağı gözlənilir.
Bundan əlavə, Ottava ukraynalı pilotlara Avropada F-16 qırıcılarını idarə etmək üçün 15 milyon Kanada dolları köçürəcək. Bu təlim proqramının 2024-cü ilin fevralında başlanacağı və 2025-ci ilə qədər davam edəcəyi nəzərdə tutulub.
Bölmənin digər xəbərləri
