KANADADAKI SOYDAŞLARIMIZ AZƏRBAYCAN HƏQİQƏTLƏRİNİ TƏBLİĞ EDİRLƏR

18.05.2006 [18:48]
Çap et
A⁺ A^-

Kanadada fəaliyyət göstərən Azərbaycan Mədəniyyət və Təhsil Mərkəzinin mətbuat xidmətindən AZƏRTAC-a bildirmişlər ki, mayın 17-də Toronto şəhərində “Kanada Genosid Muzeyi Təşkilatı”nın növbəti toplantısı keçirilmişdir. Almaniya, Ukrayna, Belarus, Latviya və digər icmaları federasiya və təşkilatlarının nümayəndələrinin iştirak etdiyi tədbirdə ölkəmizi “Azərbaycan Mədəniyyət və Təhsil Mərkəzi”nin nümayəndələri Fərəc Əliyev və Cavid Zeynalov təmsil etmişlər.

Ontario əyalətinin bas naziri Dalton Mc Guintyinin də iştirak etdiyi toplantıda təskilatın fəaliyyət istiqamətləri və gələcək planları müzakirə olunmuşdur. Azərbaycan xalqına garşı törədilmis soyqırımlar barədə verilən məlumat iştirakçılar tərəfindən diqqətlə qarsılanmışdır. Kanada Azərbaycanlıları Assosiasiyaları Federasiyasi tərəfindən nəşr olunmuş 31 mart azərbaycanlıların soyqırımı və Xocalı soyqırımı ilə bağlı xüsusi açıqcalar iştirakçılara paylanıldıqdan sonra Azərbaycan xalqına qarşı törədilmiş vəhşiliklər geniş müzakirələrə səbəb olmuşdur.

“Kanada Genosid Muzeyi Təskilatı” gələn ildən martın 28-nin soyqırımı günü kimi qeyd olunması barədə Kanadanın müvafiq təşkilatları qarşısında məsələ qaldırmağı qərara almışdır.

KANADADAKI SOYDAŞLARIMIZ AZƏRBAYCAN HƏQİQƏTLƏRİNİ TƏBLİĞ EDİRLƏR

MÜƏLLİFLƏ ƏLAQƏ

Bölmənin digər xəbərləri