KARLOS QONSALVES: ƏDALƏTLİ OYUN DƏYƏRLƏRİ HƏR BİR KƏSƏ MƏKTƏB ÇAĞINDAN AŞILANMALIDIR
AZƏRTAC xəbər verir ki, bu fikri Avropa Ədalətli Oyunlar Hərəkatının prezidenti Karlos Qonsalves iyunun 13-də Milli Olimpiya Komitəsində keçirilən mətbuat konfransında söyləmişdir. K.Qonsalves demişdir ki, hər bir idman klubu, federasiya və yaxud bu işə məsuliyyət daşıyan hökumət orqanı ədalətli oyun dəyərlərinin təbliğində maraqlı olmalıdır. Bunun üçün hər bir məçqçi, idmançı, mütəxəssisə Əxlaq kodeksinin mahiyyəti aşılanmalıdır. Əxlaq kodeksi hər bir idmançının məşqçiyə və ya məşqçinin idmançıya olan münasibətlərini özündə ehtiva edir və heç kəs bu kodeks çərçivəsindən kənara çıxmamalıdır.
Hərəkatın prezidenti 2009-cu ildə Bakıda qurumun konqresinin və Baş Assambleyasının keçiriləcəyi vaxtın hələlik dəqiqləşmədiyini söyləmişdir. Qonaq eyni zamanda, iri idman yarışlarında, xüsusilə futbolda stimullaşdırma məsələsinə toxunaraq demişdir ki, əgər hər hansı bir klub qalib gəlmək iddiasında olursa, o, buna yüksək davranış sayəsində nail olmalıdır. Stimullaşdırma qadağan olunmasa da, burada mənəvi dəyər və zövq məsələsi daha vacib rol oynayır.
Bölmənin digər xəbərləri
